मुटुदिवसमा नागरिक अस्पतालको प्रभातफेरी

काठमाडौ–भक्तपुर गठ्ठाघरमा रहेको नागरिक सामुदायीक अस्पतालले विश्व मुटु दिवसको अवसरमा विभिन्न कार्यक्रम गरेको छ ।

२९ सेप्टेम्बरको अवसर पारेर अस्पतालले मुटुरोग सम्बन्धी सचेतना जगाउने नारा सहित पम्प्लेट बोकेर गठ्ठाघर क्षेत्रमा प्रभातफेरी गरेको थियो ।
प्रभातफेरीमा अस्पतालका चिकित्सक, नर्स र कर्मचारीहरुको सहभागिता रहेको थियो ।

त्यसैगरी सो दिन मुटुरोग परिक्षण गर्नेहरुलाई इसिजी सेवामा ५० प्रतिशत छुट समेत दिइएको अस्पताल नर्सिङ प्रमुख गंगा पौडेलले बताइन् ।