सिड्नीमा ३९ वर्षीया नेपाली नर्सको रहस्यमय मृत्यु

सिड्नी—अष्ट्रेलियाको सिड्नीमा एक जना नेपाली नर्सको रहस्यमय मृत्यु भएको छ । ३९ वर्षीया नेपाली नर्स दीक्षा दाहालको गत जनवरी २ को विहान १ः४५ बजे पश्चिम सिड्नीको पारामाट्टास्थित अपार्टमेन्ट ब्लकको सातौ तलबाट खसेर मृत्यु भएको डेलीमेलले जनाएको छ ।

उनी अष्ट्रेलियाकी रजिष्टर्ड नर्स हुन् । हालैमात्र उनले ४० वर्षीय लविन्द्र सुवेदीसँग विवाह गरेकी थिइन् ।

दाहालका भाइ सुशान्तले घटनालाई एउटा डरलाग्दो र भयानक दुर्घटना भेका छन् ।

द डेली टेलिग्राफलाई उदृत गर्दै न्यूजडटकमडटएयुले जनाएअनुसार घटना घट्नुभन्दा दुई घण्टा अगाडि दाहालको फोनबाट त्रिपल ० मा फोन आएको थियो । त्यसमा भनाभन गरिरहेकोजस्तो ठूलो आवाजमात्रै सुनिएको थियो ।

प्रहरीले घटनाथि थप अनुसन्धान गरिरहेको समाचार एजेन्सीहरुले जनाएका छन् ।