काठमाडौं—संयुक्त राज्य अमेरिकामा कार्यरत नेपाली चिकित्सक रिया बोहराले प्रतिष्ठित एसीपी ओस्लर कप—२०२५ जितेकी छन् । सन् २०२५ को अमेरिकन कलेज अफ फिजिसियन (एसीपी) डक्टर्स डिलेमा प्रतियोगिता विजेता तीन सदस्सीय टोलीमा महत्वपूर्ण भूमिका निभाउँदैं उनले ओस्लर कप अवार्ड—२०२५ जितेकी हुन् ।
न्यू अर्लेन्स लुजियानामा आयोजित उक्त प्रतियोगितामा भारत, जापान, क्यानडा, मेक्सिको र संयुक्त राज्य अमेरिकालगायतका देशहरुबाट आएका ६० जना उत्कृष्ट इन्टरनल मेडिसिन रेसिडेन्टहरुको टिमले भाग लिएका थिए । तीन दिनसम्म चलेको कार्यक्रममा प्रतिस्पर्धीहरुले उच्चस्तरीय क्लिनिकल निर्णय क्षमता र चिकित्सकीय ज्ञानमा आधारित चुनौतीहरुमा सहभागिता जनाएका थिए ।
डा. बोहरालले अमेरिकन कलेज अफ मासाच्युसेट च्याप्टर र सेन्ट भिन्सेट हस्पिटलबाट प्रतिनिधित्व गरेकी थिइन् ।
उनले आफू सहभागी टोलीको उत्कृष्ट प्रदर्शनले संस्थालाई अन्तर्राष्ट्रिय रुपमा मान्यता दिलाएको र विश्वभरका प्रमुख क्लिनिकल शिक्षण संस्थाहरुमध्ये एकको रुपमा चिनाएको बताइन् ।
