कोरोना बुलेटिन : नाइजेरियाका विदेशमन्त्रीमा कोरोना, मृत्यु हुने संक्रमितको संख्या ६ लाख नाघ्यो

विश्वभरमा तीव्र रुपमा फैलिएको कोरोनाको प्रकोप हरेक दिन बढ्दै गैरहेको छ। हरेक दिन लाखौको संख्यामा संक्रमण देखिएको छ। यो खतरनाक भाइरसले हालसम्म २ सय १५ देशमा संक्रमण फ़ैलाइसकेको छ।

सो भाइरसबाट हालसम्म १ करोड ४६ लाख ४१ हजार भन्दा बढी मानिस संक्रमित छन्। त्यस्तै मृत्यु हुनेको संख्या मात्रै ६ लाख ८ हजार पुगेको छ। त्यस्तै, ८७ लाख भन्दा बढी मानिसले संक्रमणलाई जितेका छन्।

यसैबीच नाइजेरियाका विदेश मन्त्री जेफ्री ओनियेमामा कोरोना पुष्टि भएको छ। आइतबार उनको कोरोना रिपोर्टमा कोरोना ‘पोजेटिभ’ आएको हो।

-एजेन्सी