नेशनल मेडिकल स्टुडेन्ट एशोसिएसन नेपालले माग्यो खोप

काठमाडौं—चिकित्सा शिक्षा अध्ययन गर्ने विद्यार्थीहरुको संस्था नेशनल मेडिकल स्टुडेन्ट एशोसिएसन नेपालले सरकारसँग कोभिड—१९ विरुद्धको खोप माग गरेको छ । बिहीबार स्वास्थ्य तथा जनसंख्यामन्त्री हृदयेश त्रिपाठीलाई ज्ञापन पत्र बुझाउँदें संघले चिकित्साशास्त्र अध्ययन गरिरहेका विद्यार्थीहरुलाई भ्याक्सिनको व्यवस्था गर्न माग गरेको हो ।

चिकित्साशास्त्र अध्ययन गर्ने विद्यार्थीहरु पनि फ्रन्टलाइनर भएकाले खोप लगाउनुपर्ने माग संघले गरेको छ ।

‘अहिले फ्रन्टलाइनर सबैलाई कोभिड खोप लगाइयो । तर, मेडिकल विद्यार्थी पनि बिरामीको प्रत्यक्ष उपचारमा संलग्न हुने हुँदा उनीहरुलाई पनि कोभिड विरुद्धको खोप उपलब्ध गराउनुपर्छ,’ नेशनल मेडिकल स्टुडेन्ट एशोसिएसन नेपालको एनएमसी शाखाका अध्यक्ष गुञ्जन खड्काले भने ।