२०७८ असोज ३, आईतबार
Health Aawaj logo
गृहपृष्ठअन्ययुरोपेली संघले गरिब राष्ट्रहरुलाई २० करोड डोज कोभिड खोप दिने

युरोपेली संघले गरिब राष्ट्रहरुलाई २० करोड डोज कोभिड खोप दिने


युरोपेली संघले कम आय भएका मुलुकहरुलाई कोभिड-१९ विरुद्धको २० करोड डोज खोप सहयोग स्वरुप प्रदान गर्ने प्रतिबद्धता गरेको छ । युरोपेली आयोगकी अध्यक्ष उर्सुला भोन डेर लेयनले थप २० करोड डोज  खोप गरिब देशहरुलाई प्रदान गर्ने प्रतिबद्धता गरिएको जानकारी दिएकी हुन ।

युरोपेली संसदको वार्षिक बैठकमा बोल्दै  अध्यक्ष लेयनले भनिन्,’गरिब राष्ट्रहरुलाई थप २० करोड डोज खोप उपलब्ध गराउने आज हामीले निर्णय गरेका छौँ ।’

खोप अर्को वर्ष सन् २०२२ को मध्यसम्ममा उपलब्ध हुनसक्ने उनले जनाइन । लेयनले संघको यो योजनालाई सहयोग गर्न र त्यसका लागि सहयोगको घोषणा गर्न पनि सबैलाई आह्वान समेत गरेकी छिन् ।

गरिब देशहरुलाई गरिने यस्तो सहयोग विश्व स्वास्थ्यकै लागि योगदान र लगानीको रुपमा लिनु पर्नेमा समेत उनको भनाइ छ। विश्वका कतिपय देशहरुले अहिलेसम्म पनि कोभिड विरुद्धको खोप पर्याप्त रुपमा पाउन नसक्नु चिन्ताको विषय बनेको हुँदा धनी र शक्तिशाली राष्ट्रहरुले सहयोग दिनुपर्ने उनको मत छ ।

एजेन्सी 


क्याटेगोरी : अन्य, समाचार



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)