अमेरिकामा एकैदिन १० लाखभन्दा बढीमा कोभिड-१९ संक्रमण पुष्टि भएको छ। एकै दिन १० लाखभन्दा बढीमा कोभिड-१९ संक्रमण पुष्टि भएपछि अमेरिकी राष्ट्रपति जो बाइडेनले सावधानी अपनाउन सबैलाई अपील गरेका छन्।
हालै त्यहाँका अस्पतालहरु पनि भरिभराउ भएका छन्। यतिसम्म कि आईसियूमा समेत बिरामीले ठाउँ पाइरहेका छैनन् ।
यता, बेलायत, इटाली र फ्रान्समा पनि कोरोनाका रेकर्ड ब्रेकिङ केसहरु आउने क्रम जारी छ ।
बेलायतमा पछिल्लो २४ घण्टामा २ लाख संक्रमित भेटिएका छन् । अमेरिकाको अवस्थालाई ध्यानमा राख्दै राष्ट्रपति डो बाइडेन र उपराष्ट्रपति कमला ह्यारिसले पनि ह्वाइट हाउसमा कोरोना नियन्त्रणका लागि ठूलो बैठक गरेका थिए ।
ओमिक्रोन भेरियन्ट बेवास्ता गरिएको पनि यस बैठकमा विस्तृत रूपमा छलफल भएको थियो। कोरोनाका बढ्दो केसलाई मध्यनजर गर्दै अमेरिकाले विद्यालय, पार्क, अदालतलगायतका प्रायः सबै सरकारी तथा निजी कार्यालयहरू बन्द गरेको छ ।
कोभिड सुरु भएको ३ वर्ष बितिसक्दा पनि यो क्रम रोकिने नाम लिइरहेको छैन ।
-एजेन्सी
