स्वास्थ्य बीमाबाट निजी अस्पतालमा उपचार गराउँदा २० प्रतिशत सह-भुक्तानी गर्नुपर्ने व्यवस्था लागु

काठमाडौं—निजी स्वास्थ्य संस्थाबाट स्वास्थ्य बिमा सेवा लिँदा २० प्रतिशत सह-भुक्तानी तिर्नुपर्ने व्यवस्था कार्यन्वयनमा आएको छ । १ बैशाखबाट निजी स्वास्थ्य संस्थाबाट स्वास्थ्य बीमा सेवा लिँदा २० प्रतिशत सह-भुक्तानी गर्नुपर्ने व्यवस्था कार्यन्वयनमा आएको हो ।

सरकारी अस्पताललाई आत्मनिर्भर, सबल र बिरामीको अस्पतालप्रतिको आकर्षण बढाउन बीमा बोर्डले यो व्यवस्था गरेको थियो । २४ फागुनमा बसेको स्वास्थ्य बीमा बोर्डको बैठकले सरकारी बाहेकका अस्पतालमा बीमा सेवा लिँदा २० प्रतिशत सहभुक्तानी गर्नुपर्ने व्यवस्था गरेको थियो ।

सरकारी अस्पतालमा स्वास्थ्य बीमाबाट उपचार गराउँदा १० प्रतिशत सह-भुक्तानी गर्नुपर्ने व्यवस्था छ । बोर्डले गत माघदेखि स्वास्थ्य बीमालाई प्रभावकारी सह-भुक्तानीको व्यवस्था गरेको थियो ।