काठमाडौं—आसन्न नेपाल चिकित्सक संघ (एनएमए)को निर्वाचनमा सुशीला कार्की नेतृत्वको अन्तरिम जेनजी सरकारका भौतिक पूर्वाधार मन्त्री माधव चौलागाईले टिम मंगललाई समर्थन गरेका छन् । बुधबार उनले एनएमए निर्वाचनमा टिम मंगललाई समर्थन गरेका हुन् ।
‘देशको गाउँ, दुर्गम क्षेत्र, स्रोतको सिमिततामा स्वास्थ्य सेवाका चुनौतिहरु बुझेको नेतृत्व भए परिवर्तन सम्भव होला,’ टिम मंगललाई समर्थन गर्दै पूर्वमन्त्री चौलागाईले लेखेका छन् ।
चौलागाईले जेनजी सरकारमा वन तथा वातावरण मन्त्रालयको समेत जिम्मेवारी सम्हालेका थिए ।
कर्णालीका क्षेत्रमा समाजसेवी चौलागाई ‘माण्ठ हुँ म माण्ठ’ गीतका सर्जक समेत हुन् ।
एनएमएको निर्वाचन ४ र ५ बैशाखमा काठमाडौं उपत्यका बाहिर १८ र १९बैशाखमा उपत्यका बाहिर निर्वाचन हुँदैछ ।
नयाँ नेतृत्वका लागि डा. मंगल रावलको नेतृत्वको टिम, डा. बद्री रिजाल नेतृत्वको टिम र डा. नारायण भुसाल नेतृत्वको टिम चुनावी मैदानमा छन् ।
