उपचारमा खटिएका १७ सय चिनियाँ स्वास्थ्यकर्मी ‘कोभिड-१९’ बाट संक्रमित

बेइजिङ – कोरोना भाइरस अर्थात ‘कोभिड-१९’बाट १ हजार ७ सय चिनियाँ स्वास्थ्यकर्मी संक्रमित भएका छन्। कोरोना भाइरस संक्रमितको सेवामा दिनरात खटिएका उनीहरु आफैमा पनि संक्रमण देखा परेको राष्ट्रिय स्वास्थ्य आयोगले जनाएको हो।|

शुक्रबार भएको पत्रकार सम्मेलनमा आयोगले मेडिकल स्टाफहरुमा ११ फेब्रुअरी देखि लक्षण देखिएको र ती मध्य ६ जनाको मृत्यु भएको बताएको छ।

पछिल्लो तथ्यांक अनुसार, हालसम्म उक्त भाइरसको संक्रमणबाट चीनमा १ हजार ४ सय ८३ मानिसको मृत्यु भएको छ भने ६४ हजार ६ सय २७ व्यक्ति कोरोना भाइरसबाट संक्रमित छन्।

–सिन्ह्वा