सर्लाहीका प्रमुख जिल्ला अधिकारी ६ कर्मचारीमा कोरोना पुष्टि, एकसाताका लागि जिल्ला प्रशासन कार्यालय सिल

जनकपुर—सर्लाहीमा प्रमुख जिल्ला अधिकारीसहित जिल्ला प्रशासन कार्यालयका ६ जना कर्मचारीमा कोरोना संक्रमण पुष्टि भएको छ । संक्रमण पुष्टि भएसँगै जिल्ला प्रशासन कार्यालय आजदेखि एकसाताका लागि सिल गरिएको छ । शान्ति सुरक्षा र विपद् व्यवस्थापनका कामबाहेक जिल्ला प्रशासन कार्यालय एकसाताका लागि सिल गरिएको हो ।

शनिबार आएको रिपोर्टमा ११ जनामा कोरोना पोजेटिभको पुष्टि भएको थियो । सर्लाहीका प्रमुख जिल्ला अधिकारी सुरेन्द्र पौडेल, एकजना प्रशासकीय अधिकृत र जिल्ला प्रशासन कार्यालयका ५ जना कर्मचारीमा संक्रमण पुष्टि भएको प्रशासकीय अधिकृत रामप्रमोद यादबले वताए । अन्य बाँकी ६ जना थुनुवा र अन्य कार्यालयका कर्मचारी रहेका छन् ।

जिल्ला प्रशासन कार्यालयका कर्मचारी नै कोरोना संक्रमित भएपछि कोरोना जोखिमलाई न्यूनीकरण गर्न असोज २५ गते आइतबारदेखि ३० गते शुक्रबार सम्म कार्यालयका सम्पूर्ण सेवावाहरु बन्द हुने गरी सूचना नै जारी गरिएको प्रसासकीय अधिकृत यादवले बताए ।