जनकपुरधाम—मधेश प्रदेश सरकारबाट नेकपा एमालेका स्वास्थ्य तथा जनसंख्यासहितका मन्त्रीहरु बाहिरिएका छन् । आइतबार स्वास्थ्य तथा जनसंख्यामन्त्री शत्रुधनप्रसाद सिंहसहित एमालेका ६ मन्त्रीले राजीनामा दिएका हुन् ।
एमालेका स्वास्थ्यमन्त्री सिंह, भौतिक पूर्वाधार विकास मन्त्री सरोजकुमार यादव, गृह, सञ्चार तथा कानून मन्त्री राजकुमार लेखी, शिक्षा तथा समाज कल्याणमन्त्री प्रमोद जयसवाल, स्वास्थ्य राज्यमन्त्री केशव राय र गृह राज्यमन्त्री शारदा थापाले राजीनामा दिएका हुन् ।
एमाले मन्त्रीहरुले मुख्यमन्त्री सरोजकुमार यादवलाई राजीनामा बुझाएका हुन् । एमालेले मधेश प्रदेश सरकारबाट समर्थन पनि फिर्ता लिएको छ ।
यसअघि आइतबार नै नेकपा माओवादी केन्द्रले पनि मधेश सरकारबाट समर्थन फिर्ता लिएको छ । मधेशमा एमाले नेतृत्वमा जनमत, माओवादी केन्द्र र लोसपा मिलेर सरकार बनाउने सम्भावना छ ।
