बुटवलमा थप एक जना कोरोना भाइरस संक्रमितको मृत्यु

बुटवल—लुम्बिनी प्रादेशिक अस्पताल कोरोना आइसोलेसन शाखा धागो कारखाना बुटवलमा थप एक जना कोरोना भाइरस संक्रमितको मृत्यु भएको छ ।

बुटवल ५ का ६७ वर्षीय पुरुषको आइतबार दिउँसो मृत्यु भएको अस्पतालका मेडिकल सुपरिटेन्डेन्ट डा. राजेन्द्र खनालले जानकारी दिए ।

मृतक पुरुषमा श्वासप्रश्वासमा समस्या हुनुका साथै ज्वरो आएपछि उनी आइतबार बिहान अस्पताल भर्ना भएका थिए । उनलाई कोरोना पुष्टि भएपछि आइसोलेसन शाखामा भर्ना गरिएको थियो ।

उनमा मुटु रोग, मधुमेह र प्रेसरको समस्या रहेको अस्पतालले जनाएको छ ।