रुपन्देहीमा मृत्यु हुने संक्रमितको संख्या १७ पुग्यो

 बुटवल – रुपन्देहीमा हालसम्म १७ जना संक्रमितको मृत्यु भएको छ । रुपन्देहीमा सोमबार दिउँसो थप एक जनाको मृत्यु भएसँगै मृतकको संख्या १७ पुगेको हो ।

जिल्लाको सिद्धार्थनगर नगरपालिका ५ की ६४ वर्षीया महिलाको दिउसो साढे २ बजे मृत्यु भएको थियो । लुम्बिनी प्रादेशिक अस्पतालको फिभर क्लिनिकमा आएर पीसीआर जाँच गराएकी उनमा ज्वरो, स्वासप्रश्वासको समस्या देखिएको थियो। उनी अस्पताल आउँदा ज्वरोले सिकिस्त रहेको अस्पतालका सूचना अधिकारी डा. विष्णु गौतमले जनाकारी दिए ।

यसअघि सोमबार विहान कपिलवस्तु शिवराज नगरपालिका वडा नं ५ की ४७ वर्षीया संक्रमित महिलाको मृत्यु भएको थियो । सक्रिय संक्रमित धेरै रहेको रुपन्देहीमा पछिल्लो समय संक्रमितहरु हुनेहरुको सख्या भने घट्दै गएको छ ।