बाँकेमा जारी निषेधाज्ञा थप एक साता लम्बियो

नेपालगन्ज – बाँकेमा जारी निषेधाज्ञा ३१ गते जेठसम्म लम्बिएको छ । जिल्ला प्रशासन कार्यालय बाँकेले कोभिड-१९को जोखिम कायमै रहेकाले निषेधाज्ञा थप एक हप्ता लम्ब्याइएको हाे ।

संक्रमण तीव्ररुपमा फैलिएपछि बाँके प्रशासनले यसको रोकथाम र नियन्त्रणका लागि बैशाख १३ गतेदेखि बाँकेमा एकहप्ताका लागि निषेधाज्ञा जारी गरेको थियो ।

त्यसपछि हप्ता-हप्ता दिन थप गर्दै जेष्ठ ३१ गतेसम्म पुर्याइएको हो । यसपटक पनि प्रशासनले उपभोग्य वस्तुका पसल व्यवसाय स्वास्थ्य सुरक्षाका मापदण्डको अनिवार्य पालना गरि बिहान ७ बजेदेखि १२ बजेसम्म खुल्न दिने भनेको छ ।

निषेधाज्ञाको समयअवधि थपिएपनि बजारमा भने भिडभाड बढ्दै गएकाे छ । संक्रमणको जोखिम न्युनिकरणका लागि प्रशासनले गरेको निषेधाज्ञामा पनि चहलपहल नरोकिएको भन्दै प्रशासनको आलोचना भैरहेको छ।