विराटनगर—हराएको तीन दिन भइसक्दा पनि सप्तकोशी नदीको फुल छेउमा गाडी छोडेर बेपत्ता भएका झापाको दमक नगरपालिका १ घर भएका ३८ वर्षीय सर्जन डा. प्रज्वल कोइरालाको अवस्था अझै अज्ञात रहेको छ ।
गत सोमबार बिहानदेखि सप्तकोशी नदीको पुल छेउमा गाडी, जुत्ता र मोबाइल छोडेर बेपत्ता भएका कोइरालाको अवस्था यो समचार तयार पर्दासम्म अज्ञात छ ।
जिल्ला प्रहरी कार्यालय, उदयपुरका प्रहरी प्रमुख प्रहरी निरीक्षक ज्ञानेन्द्र फुयाँलले उनको अवस्था अझै अज्ञात रहेको जानकारी दिए ।
झापाको दमक–१ निवासी कोइराला मदन भण्डारी ट्रमा सेन्टर, उर्लावारीमा जनरल सर्जनको रूपमा कार्यरत थिए । डा. कोइराला सोमबार राति २ बजे कोशीको पुलमा आएको सिसी टिभी फुटेजमा देखिएको प्रहरीले जनाएको छ ।
डा. कोइरालाले आफू सवार १–०२–००२ च ४१६६ नम्बरको कार भने सप्तकोशीको पुल छेउमा भेटिएको थियो । प्रहरीले पुलको रेलिङमा उनको मोबाइल, जुत्ता र मोजा फेला पारेको थियो ।
