२०७९ माघ २४, मंगलबार
Health Aawaj logo
गृहपृष्ठटिप्सयस्ता छन् जाडोमा छालाको हेरचाह गर्ने ६ टिप्स

यस्ता छन् जाडोमा छालाको हेरचाह गर्ने ६ टिप्स


चिसो मौसम, चिसो हावा र सुख्खा छाला, जाडो मौसममा यस्ता कुराहरू प्रायः हुने गर्दछ । तर केही प्रयोग गरेर यो मौसममा पनि आफ्नो छालालाई चम्किलो बनाउन सकिन्छ । जाडो मौसम र चिसो हावाले अनुहारको नरमपना हटाइदिन्छ यसका कारण छाला सुख्खा हुन्छ । केही कुराको ख्याल राखेर जाडोमा पनि छालालाई सुन्दर राख्न सकिन्छ ।

जाडोमा चल्ने चिसो हावाले हाम्रो अनुहारको आवश्यक तेललाई सुकाउँछ । सौन्दर्य विज्ञ तथा अष्टेबेरी बायोसाइन्सका निर्देशक अचल आर्य यस मौसममा हाम्रो छाला निर्जीव र सुख्खा हुने बताउँछन् । सुख्खा छाला भएका मानिसहरूलाई यो मौसममा आफ्नो छालालाई स्वस्थ राख्न निकै गाह्रो हुन्छ । यसका लागि आफ्नो छालाको राम्रो हेरचाह गर्नु निकै जरुरी छ ।

१. तातोपानीको प्रयोग कम गर्ने
जब तापक्रम घट्दै जान्छ, नुहाउन र मुख धुन तातो पानीको प्रयोग गर्दा राम्रो महसुस हुन्छ । तर यदि तपाईँ आफ्नो छालालाई माया गर्नुहुन्छ भने, जाडोमा अत्यधिक तातो पानीबाट टाढा रहनुहोस्, किनकि तातो पानीले तपाईँको छालालाई सुख्खा पार्न सक्छ र यदि तपाईँ यसलाई तुरुन्तै मोस्चराइज गर्नुहुन्न भन फुट्ने र एक्जिमा हुने हुनसक्छ ।

२. कफी र रक्सीको सेवन नगर्ने
जाडोमा कफी र रक्सीको सेवन नगर्नुहोस् किनभने यी पदार्थहरूले तपाईँको छालालाई डिहाइड्रेट गर्छ र यसलाई सुख्खा बनाउँछ । जाडोको समयमा यी बानीहरू हटाउनु धेरै महत्त्वपूर्ण छ ।

३. ऊनको कपडा मात्रै नलगाउने
जाडोको समयमा ऊनी लुगाहरू आफ्नो छालाबाट टाढा राख्ने प्रयास गर्नुहोस् किनभने ऊनले तपाईँको छालालाई सुख्खा र चिलाउने गरी पोल्न सक्छ । छालाको सम्पर्कमा नरम कपडा मात्र राख्नुहोस् र त्यसमाथि ऊनी वा मोटो कपडा लगाउनुहोस् ।

४. सनस्क्रिनको प्रयोग
जाडोमा घाम नलाग्ने गर्छ, तर पनि सनस्क्रिन लगाएर मात्र घरबाट बाहिर निस्कनु जरुरी छ । सूर्यको हानिकारक पराबैजनी किरणहरू बादलहरूबाट जान सक्छ र छालालाई क्षति पुर्‍याउन सक्छ । त्यसैले घाम लागोस् वा नलागोस्, तपाईँले सधैँ सनस्क्रिन प्रयोग गर्नु धेरै महत्त्वपूर्ण छ ।

५. मोइस्चराइजरको प्रयोग 
यो मौसममा सबैभन्दा पहिले हाम्रो हात सुख्खा हुन थाल्छ । यस्तो अवस्थामा तपाईँले आफ्नो हातलाई समय–समयमा राम्रो मोइस्चराइजर लगाएर मोस्चराइज गरिरहनु आवश्यक छ । नुहाउने बित्तिकै आफ्नो सम्पूर्ण शरीरलाई राम्रोसँग मोइस्चराइज गर्नुहोस्, जसले गर्दा तपाईँको शरीरमा नरमपना कायम रहन्छ र जाडोमा पनि तपाईँको छाला स्वस्थ र चम्किलो रहन्छ।

६. ह्युमिडिफायरको प्रयोग
तपाईँको घर वा अफिसमा ह्युमिडिफायर प्रयोग गर्नाले सुख्खा जाडो हावामा ओसिलोपना थप्छ र तपाईँको छाला हाइड्रेटेड राख्न मद्दत गर्दछ ।


क्याटेगोरी : टिप्स



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)