राजु सदाय घटनामा संलग्न दोषीमाथि कारवाहीको माग गर्दै दलित समुदायद्वारा प्रदर्शन

जनकपुर – आइसोलेसनमा मृत्यु भएका राजु सदाय घटनामा संलग्न दोषीमाथि कारवाहीको माग गर्दै दलित समुदायले जनकपुरमा  निकालिएको विरोध जुलुसमा प्रहरीले आश्रु ग्यास र हवाई फायर गरेको छ । दलित संघर्ष समितिको नेतृत्वमा विहिबार भएको प्रदर्शनको क्रममा प्रहरीले भीड तितरबितर पार्न केही राउन्ड हवाइ फायर र अश्रुग्यास प्रहार गरेको हो ।

सयौको संख्यामा गाउँ–गाउँबाट आएका प्रदर्शनकारी तोडफोमा उत्रिएपछि मुख्यमन्त्री कार्यालय नजिक अश्रुग्यास प्रहार र हवाय फायर गरेको धनुषाका प्रहरी उपरीक्षक रमेश बस्नेतले बताए ।

आरडीटी रिपोर्ट पोजेटिभ आएपछि जेठ २९ गते प्रादेशिक अस्पताल जनकपुरको आइसोलेशनमा भर्ना भएका धनुषाको हंशपुर नगरपालिका ७ प्रसाहीका १६ वर्षीय किशोर राजु सदाको असार ९ गते प्रादेशिक अस्पताल जनकपुरको आइसोलसनमा मृत्यु भएको थियो ।