बलिउडका महानायक अमिताभ र उनका छोरा अभिनेता अभिषेक बच्चनमा कोरोना संक्रमण

बलिउडका महानायक अमिताभ बच्चन र उनका छोरा अभिनेता अभिषेक बच्चनमा कोरोना संक्रमण पाइएको छ । अभिनेता अभिषेकले बुबा अमिताभ र आफूमा कोरोना पुष्टि भएको आफ्नो आधिकारिक ट्विटरमार्फत् जानकारी दिएका हुन् ।

Earlier today both my father and I tested positive for COVID 19. Both of us having mild symptoms have been admitted to hospital. We have informed all the required authorities and our family and staff are all being tested. I request all to stay calm and not panic. Thank you. 🙏🏽

— Abhishek Bachchan (@juniorbachchan) July 11, 2020

उनले ट्विटरमार्फत् भनेका छन् – ‘हामीमा सामान्य कोरोनाको लक्षण देखिएको छ । परिवारका अरु सदस्य, स्टाफको कोरोना परीक्षण भइरहेको छ । सबैलाई शान्त रहन र नआत्तिन आग्रह गर्दछु ।’

यस्तै, महानायक अमिताभले पनि ट्वीटरमार्फत् आफुमा कोरोना संक्रमण देखिएको जानकारी गराउँदै गएको १० दिनभित्र आफ्नो सम्पर्कमा आउनेहरुलाई पनि कोरोनाको परीक्षण गराउन आग्रह गरेका छन् ।

T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
All that have been in close proximity to me in the last 10 days are requested to please get themselves tested !

— Amitabh Bachchan (@SrBachchan) July 11, 2020

उनीहरुलाई गए राति मुम्बईको नानावती अस्पतालमा भर्ना गरिएको जानकारी छ ।

-एजेन्सी