कोरोना संक्रमित गम्भीर बिरामीलाई यसरी गरिएको थियो भेन्टिलेटरमा उपचार (भिडियोसहित)

काठमाडौं—कोरोनाकै कारण मृत्यु भएका पहिलो संक्रमित रौतहटका ३६ वर्षीय पुरुषलाई नारायणी अस्पताल वीरगन्जमा भेन्टिलेटरमा राखेर उपचार गरिएको थियो । ती संक्रमितलाई चिकित्सक टोलीले बचाउन हरसम्भव प्रयास गरेको थियो ।

तर, ३१ असारमा साढे २ बजे उनको भेन्टिलेटरमा उपचारकै क्रममा मृत्यु भयो । ती कोरोना संक्रमितलाई जोखिम मोलेर चिकित्सकहरुले कसरी भेन्टिलेटरमा राखेका थिए र सिपिआर दिएका थिए । नेपालमा यसअघि ३९ जना कोरोना कारण मृत्यु भएको भनिएतापनि मृत्युको मुख्य कारक अन्य रोग रहेको स्वास्थ्य मन्त्रालयका अधिकारीहरु बताउँदैं आएका छन् ।

तर, ३१ असारमा मृत्यु भएका ती युवकमा कोरोना संक्रमणभन्दा अन्य कुनै पनि रोग नरहेको उपचारमा संलग्न चिकित्सक डा. उदय सिंह बताउँछन् ।

इपिडिमियोलोजी तथा रोग नियन्त्रण महाशाखाका प्रमुख डा. वासुदेव पाण्डे पनि कोभिड—१९ कै कारण मात्र मृत्यु भएको नेपालमा पहिलो घटना भएको बताउँछन् ।

भिडियो