जुम्लामा अझै भएन शवबाहन र दाहसंस्कारकाे व्यवस्थापन

जुम्ला– जिल्ला विपद् व्यवस्थापन समितिले आठ स्थानीय तहमा शवबाहन र दाहसंस्कार गर्ने स्थान तोक्ने निर्णय गरेपनि अहिलेसम्म त्यसको व्यवस्थापन हुन सकेको छैन ।

कोरोना भाइरसका कारण मृत्यु हुने व्यक्तिको शव व्यवस्थापन गर्नका लागि प्रत्येक स्थानीय तहले तत्काल शवबाहनका लागि एक÷एक ट्याक्टर भाडामा लिने र दाहसंस्कार गर्ने स्थान तोक्ने निर्णय असार तेस्रो साता भएपनि व्यवस्थापन हुन नसकेको हो ।

शव व्यवस्थापन, दाहसंस्कार स्थान, सवारी साधन नम्बर र चालकको सम्पर्क नम्बरसहित जिल्ला विपद् व्यवस्थापन समितिलाई जानकारी गराउने निर्णय भएको थियो । तर, अहिलेसम्म कुनै पनि स्थानीय तहले व्यवस्थापन नगरेको सहायक प्रमुख जिल्ला अधिकारी ओमप्रकाश देवकोटाले बताए ।