कोरोनाका कारण ६६ वर्षकै उमेरमा अस्ताए छात्ती रोग विशेषज्ञ डा. नवीन बस्नेत

काठमाडौं—कोरोना संक्रमणबाट छात्ती रोग विशेषज्ञ डा. नवीन बस्नेतको मृत्यु भएको छ । ६६ वर्षीय बस्नेतको उपचारका क्रममा आइतबार साँझ निधन भएको मेडिसिटी अस्पतालले जनाएको छ ।

कोरोना संक्रमणबाट बस्नेतको श्वास प्रश्वासमा समस्या देखिएको थियो । स्वास्थ्यमा गम्भीर समस्या देखिएपछि डा. बस्नेतलाई मेडिसिटी अस्पतालमा भर्ना गरिएको थियो ।

‘एक्युट रेस्पेक्टरी डिस्ट्रेस’ समस्याका कारण उपचारकै क्रममा डा. वस्नेतको निधन भएको हो । डा. वस्नेतलाई केही समयअघि क्षयरोग (टिबी)को समस्या रहेको पाइएको थियो ।

उनी नेपाल प्रहरीको अस्पतालका टिबी विभागका संस्थापक समेत हुन् ।