थप ६ जना संक्रमितको मृत्यु, ३३ जना भेन्टिलेटरमा

काठमाडौं— थप ६ जना संक्रमितको मृत्यु भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ६  जना संक्रमितको मृत्यु भएको हो।

यससँगै नेपालमा कोभिड़-१९ बाट ज्यान गुमाउने संख्या १ हजार ९ सय ४३  जना पुगेको छ।

यस्तै, आज मुलुकभर गरेर भेन्टिलेटरमा ३३ जना र आइसीयुमा १ सय ५२ जना संक्रमितको उपचार भैरहेको छ।  हाल  बागमती प्रदेशमा १८  जना, गण्डकी प्रदेशमा ६ जना, लुम्बिनी प्रदेशमा ७ जना, प्रदेश १ मा १ जना र  सूदुरपश्चिम प्रदेशमा १ जना संक्रमित भेन्टिलेटरमा उपचाररत छन् ।