भारतमा एकैदिन थपिए ८१ हजार बढी संक्रमित, ४५० बढीको मृत्यु

नयाँदिल्ली—भारतमा एकैदिन ८१ हजार बढीमा कोरोना संक्रमण पुष्टि भएको छ । भारतीय सञ्चारमाध्यमकाअनुसार पछिल्लो २४ घण्टामा ८१ हजार ३ सय ९८ जना कोरोना संक्रमित थपिएका छन् ।

एकैदिन ४६८ जना कोरोना संक्रमितको मृत्यु भएको छ ।

बिहीबारका पोजेटिभ भेटिएका कोरोना संक्रमितको संख्या १ अक्टोबर यताकै सबैभन्दा बढी हो । १ अक्टोबरमा ८१ हजार ७ सय ८५ जनामा कोरोना संक्रमण पुष्टि भएको थियो ।

भारतमा पछिल्ला केही दिन यता कोरोना संक्रमितको संख्या तीब्र रुपमा बढिरहेको छ ।

हाल त्यहाँ ६ लाख ४१ हजार ६ सय ९६ केस सक्रिय रहेको छ। भारतमा कोरोनाको रफ्तार बढिरहेको समयमा अहिले खोप अभियानको तेस्रो चरण सुरु भएको छ।