भारतमा एकैदिन ८९ हजारमा कोरोना संक्रमण, ७१३ जना संक्रमितको मृत्यु

नयाँदिल्ली—कोरोना तीब्र रुपमा फैलिएको भारतमा एकैदिन ८९ हजार १९ जनामा कोरोना संक्रमण पुष्टि भएको छ । भारतीय सञ्चारमाध्यमकाअनुसार पछिल्लो २४ घण्टामा ७१३ जना कोरोना संक्रमितको मृत्यु भएको छ ।

कोरोना संक्रमण जित्नेको संख्या भने पछिल्लो २४ घण्टामा ४४ हजार १ सय ७६ रहेको छ ।

एकैदिन ८९ हजार संक्रमण निकै धेरै मानिएको छ । जुन आँकडा भारतमा यसअघि कोभिड—१९ संक्रमणको पीक अवस्थामा भेटिएका संक्रमितहरुको भन्दा ९ हजार मात्रै कम हो ।

यसअघि १६ सेप्टेम्बरमा एकैदिन ९७ हजार ८ सय ६० जनामा कोरोना संक्रमण पुष्टि भएको थियो
। त्यसपछि भारतमा कोरोना संक्रमितको संख्या कम हुन थालेको थियो ।