नेपाल औषधी उत्पादक संघद्धारा स्वास्थ्य मन्त्रालयलाई ४० लाख बराबरको औषधी हस्तान्तरण

काठमाडौँ – औषधी उत्पादक संघले बाढी प्रभावित क्षेत्रका लागि स्वास्थ्य तथा जनसंख्या मन्त्रालयलाई ४० लाख मूल्य बराबरको अत्यावश्यक औषधी हस्तान्तरण गरेको छ।

आइतबार स्वास्थ्य मन्त्रालयका सचिव लक्ष्मण अर्याललाई संघका अध्यक्ष जी नारायण बहादुरक्षेत्रीले  ४० लाख बराबरको औषधी हस्तान्तरण गरेका थिए ।

५० वटा नेपाली औषधी कम्पनीले  सिटामोल, एजिथ्रोमाइसिन लगायतका १४६ प्रकारका औषधी मन्त्रालयलाई सहयोग गरेको हो । उक्त औषधी आवश्यकता अनुसार बाढी प्रभावित क्षेत्रमा पठाइने बताइएको छ।