स्टार अस्पतालको पिसिआर र खोपको प्रभावकारिता परीक्षण घरबाटै

काठमाडौं—सानेपास्थित स्टार हस्पिटल पब्लिक लिमिटेडले कोभिड—१९ विरुद्धको भ्याक्सिनको प्रभावकारिता परीक्षण गर्न सुरु गरेको छ । अस्पतालकाअनुसार कोभिड-१९ विरुद्धको दोस्रो डोज लगाएको ४ हप्तापछि न्युट्रालाइजिङ एन्डीबडी टेष्ट गरिनेछ ।

‘कोभिड—१९ विरुद्धको दोस्रो डोज भ्याक्सिन लगाएको ४ हप्तापछि इच्छुकले भ्याक्सिनको प्रभावकारिता परीक्षण गर्न सक्छन्,’ अस्पताल प्रशासनले भन्यो, ‘हामी त्यसका लागि न्युट्रालाइजिङ एन्डीबडी टेष्ट सेवा दिन सुरु गरेका छौं ।’

यस्तै, स्टार अस्पतालले पिसिआर परीक्षण सेवाको होम सर्विस समेत दिइरहेको छ।अस्पतालले एन्टीजेन टेष्ट रिपोर्ट भने ३० मिनेटमै दिन सकिने जनाएको छ ।

यी सबै सेवाहरु घरमै बसेर लिन सकिने अस्पतालले जनाएको छ ।