अब कोभिडको खोप लगाउन अनिवार्य अनलाइन दर्ता नम्बर चाहिने

काठमाडौँ – स्वास्थ्य कार्यालय काठमाडौँले ५० वर्ष वा सो भन्दा मुनिका नागरिकले विद्युतीय दर्ता नम्बर ल्याएमात्र कोभिड-१९ विरुद्धको खोप लगाउन पाउने सूचना जारी गरेको छ ।

स्वास्थ्य तथा जनसंख्या मन्त्रालयको १ साउनको पत्र अनुसार सो निर्णय गरिएको स्वास्थ्य कार्यालय काठमाडौँका प्रमुख बद्री बहादुर खड्काले बताए । ‘१८ वर्ष देखि ५० वर्षका नागरिकले विद्युतीय दर्ता नम्बर लिएर खोप लगाउन आउनुपर्ने हुन्छ,’ खड्काले भने, ‘५० वर्ष माथिका नागरिकले पनि अनलाइन दर्ता गरी सो नम्बर लिएर आउन अनुरोध गरिएको छ ।’

उनले काठमाडौँका सबै पालिकामा सोहीअनुसार खोप कार्यक्रम संचालन गर्न परिपत्र गरिएको समेत जानकारी दिए ।

खोप लगाउनका लागि www.vaccine.mohp.gov.np मा गएर फारम भर्न सकिने छ ।