देशभर थप २२१२ जनामा कोभिड-१९ पुष्टि, ३३को मृत्यु

काठमाडौँ – थप २ हजार २ सय १२ जनामा कोभिड-१९ पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप २ हजार २ सय १२ जनामा कोभिड-१९ पुष्टि भएको हो ।

यस्तै, पछिल्लो २४ घण्टामा थप १ हजार ८ सय ६७ जना संक्रमित निको भएका छन् भने थप ३३ जना संक्रमितको निधन भएको छ । यससँगै नेपालमा संक्रमणबाट ज्यान गुमाउनेको संख्या १० हजार २ सय ९२ पुगेको छ ।

आइतबार सक्रिय संक्रमितको संख्या ३९ हजार २ सय ९८ रहेको छ ।