३४०३ जना नयाँ संक्रमित थपिए, ४२ जना संक्रमितको मृत्यु

काठमाडौं-नेपालमा कोभिड-१९ का ३ हजार ४ सय ३ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा ३ हजार ४ सय ३ जना नयाँ संक्रमित थपिएका हुन् ।

यससँगै नेपालमा अहिलेसम्म कोभिड १९ बाट संक्रमित हुनेको संख्या ७ लाख ३९ हजार ९ सय ७ पुगेको छ ।

पल्लिो २४ घण्टामा २ हजार १ सय ४ जना संक्रमित निको भएर घर फर्किएका छन् । अहिलेसम्म ६ लाख ८९ हजार १ सय ७३ जनाले कोभिड-१९ को संक्रमण जितेका छन् ।

मन्त्रालयकाअनुसार पछिल्लो २४ घण्टामा ४२ जनाको कोभिड १९ को संक्रमणबाट मृत्यु भएको हो । हालसम्म नेपालमा कोभिड १९ को संक्रमणबाट १० हजार ३ सय ९६ जनाको मृत्यु भइसकेको छ ।

नेपालमा हाल सक्रिय संक्रमितको संख्या ४० हजार ३ सय ३८ छ ।