डा. प्रदीप ज्ञवालीलाई विपद् न्यूनीकरण पुरस्कार

काठमाडौं—स्वास्थ्य अनुसन्धान परिषद्का सदस्य सचिव डा. प्रदीप ज्ञवालीलाई विपद् न्यूनीकरण सम्बन्धि उत्कृष्ट कार्य गरेको भन्दैं शिक्षा मन्त्रालयले सम्मानित गर्ने भएको छ । राष्ट्रिय विज्ञान दिवसका अवसरमा प्रदान गरी सो पुरस्कारको राशि २५ हजार नगद र सम्मान रहेको छ ।

पाल्पामा जन्मिएका डा. ज्ञवाली त्रिवि चिकित्साशास्त्र अध्ययन संस्थान (आईओएम)का सहप्रध्यापक हुन् । उनी २० वर्षदेखि आईओएममा कार्यरत छन् ।

डेढ वर्षअघि स्वास्थ्य अनुसन्धान परिषद्को सदस्य सचिव नियुक्त भएका डा. ज्ञवालीको नेतृत्वमा दुई वटा स्वास्थ्य वैज्ञानिक सम्मेलन र विभिन्न अनुसन्धानहरु सम्पन्न भइसकेका छन् ।

डा. ज्ञवालीसँगै विज्ञान पत्रपकारितातर्फ मणि दाहाल एरोनोटिकल विद्यामा दिपक प्रकाश बाँस्कोटा, उदयमान प्रविधिमा डा. आभाष मास्के, अन्तरिक्ष प्रविधिमा उदयराज खनाल, जैविक प्रविधि प्रा.डा. प्रकाश घिमिरेलाई पुरस्कार तथा सम्मान गर्न लागिएको हो ।