थप २७० जनामा कोभिड-१९ संक्रमण, २को मृत्यु

काठमाडौं – पछिल्लो २४ घण्टामा २७० जना कोरोना संक्रमित थपिएका छन्। देशभर गरिएको ७ हजार ८२९ पीसीआर र २ हजार ६१७ जनाको एन्टीजेन परीक्षणका क्रममा २७० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

स्वास्थ्य मन्त्रालयका अनुसार गत २४ घण्टामा ३०२ जना संक्रमित निको भएका छन्। भने, उक्त अवधिमा २ जना संक्रमितको मृत्यु भएको मन्त्रालयले जनाएको छ। हालसम्म कोरोना संक्रमणबाट मृत्यु हुनेको संख्या ११ हजार ५१८ पुगेको छ।

यस्तै, देशभर निको हुनेको संख्या ८ लाख १ हजार ७२२ पुगेको छ।