नेपालमा पनि कोभिड-१९ संक्रमण निरन्तर उकालो लाग्दै

काठमाडौँ – नेपालमा कोभिड-१९ संक्रमण २ दिनयता निरन्तर उकालो लाग्न थालेको छ। बुधबार ४ सय ३५ जनामा संक्रमण देखिएकोमा बिहिबार ५ सय ४० जनामा कोभिड पोजेटिभ देखिएको छ।

पछिल्लो केहि सातामा कोभिडको संख्या २ सयदेखि ३ सयकोबीचमा रहँदै आएको थियो। तर, दक्षिण मुलक भारतमा कोभिड संक्रमण पुन: उकालो लागेसँगै यसको प्रभाव नेपालमा पनि देखिन थालेको हो।

बिहिबार नेपालमा ५ सय ४० जनामा कोभिड-१९ संक्रमण पुष्टि देखिएसँगै संक्रमण हुने को संख्या ८ लाख ३० हजार ४ सय ८० देखिएको छ। स्वास्थ्य मन्त्रालयकाअनुसार पछिल्लो २४ घण्टामा २ सय ७१ जना संक्रमणमुक्त भएका छन्। अहिलेसम्म कोभिड संक्रमणमुक्त हुने संख्या ८ लाख १३ हजार ४ सय ४७ पुगेको छ।

पछिल्लो २४ घण्टामा १ जना संक्रमितको मृत्यु भएको छ। यससँगै नेपालमा कोभिडबाट ज्यान गुमाउनेको संख्या ११ हजार ६ सय २ पुगेको छ।