३० जना नर्सलाई ह्याम्स अस्पतालले ‘इमर्जेन्सी नर्सिङ तालिम’ गराउने

काठमाडौं—ह्याम्स अस्पतालले निजी क्षेत्रमै पहिलो पटक तीन महिने इमर्जेन्सी नर्सिङ तालिम सुरु गर्ने भएको छ । ७ चैतदेखि तालिम सुरु गर्ने अस्पतालले जनाएको छ ।

अस्पतालका नर्सिङ निर्देशक वरुणा पौडेलकाअनुसार अस्पतालको इमर्जेन्सी सबैभन्दा महत्वपूर्ण विभाग भएकाले त्यहाँ काम गर्ने नर्सले सबै खालका इमर्जेन्सी बिरामी हेर्नुपर्छ र गुणस्तरीय सेवा दिन सक्नुपर्छ । ‘यसैलाई दृष्टिगत गरेर हामीले यो तालिम सुरु गर्न लागेका छौं,’ उनले भनिन् ।

ह्याम्सले ‘सोसाइटी अफ इमर्जेन्सी नर्सेस अफ नेपाल’ सँग सहकार्य गरेर ३० जना नर्सलाई पहिलो चरणमा तालिम उपलब्ध गराउनेछ । उक्त तालिममा सहभागी हुनका लागि इच्छुक नर्सले २५ फागुनभित्र आवदेन दिइसक्नुपर्नेछ ।