सिंगटी प्राथमिक अस्पताललाई स्वास्थ्य सामग्री हस्तान्तरण

चरिकोट—मानव अधिकार सचेतन तथा विकास केन्द्र (हुराडेक) नेपाल दोलखाले सिंगटी प्राथमिक अस्पताललाई स्वास्थ्य सामग्री हस्तान्तरण गरेको छ ।

हुराडेक नेपाल दोलखा र लुथरन वल्र्ड फेडेरेसनसँगको साझेदारीमा सञ्चालन गर्दै आएको कोभिड–१९ प्रतिकार्य, स्वास्थ्य सुरक्षा कार्यक्रम अन्र्तगत अस्पताललाई ४० लिटर क्षमताको अटोकेल्भ प्रदान गरेको हो । हुराडेक नेपाल दोलखाका परियोजना संयोजक शेरबहादुर भुजेलले शनिबार अस्पतालका डा. ऋषिकेश चौधरीलाई हस्तान्तरण गरेका हुन् ।

संस्थाले गत वर्ष पनि सोही कार्यक्रमअन्तर्गत अस्पताललाई कोभिड–१९ प्रतिकार्य सम्बन्धी विभिन्न स्वास्थ्य सामग्री सहयोग गरेको थियो । अस्पतालको माग बमोमिज यस पटक अटोक्लेभ सहयोग गरिएको भुजेलले जानकारी दिए ।