स्टार हस्पिटलमा मुटु रोगका बिरामीहरुका लागि निःशुल्क ओपिडी सेवा

ललितपुर—स्टार अस्पतालले मुटु रोगका बिरामीहरुका लागि निःशुल्क ओपीडी सेवा संचालनमा ल्याएको छ ।

अस्पतालका सिओओ डा. सन्देश जिसीकाअनुसार मुटुरोग तथा मुटुसँग सम्बन्धित समस्या भएका बिरामीहरुका लागि स्टार हस्पिटलले निःशुल्क ओपिडी संचालनमा ल्याएको हो ।

अस्पतालका वरिष्ठ मुटुरोग विशेषज्ञ डा. आनन्द जि.सीबाट हरेक शुक्रबार बिहान १० बजेदेखि बेलुकी ४ बजेसम्म सो सेवा उपलब्ध हुने उनले जानकारी दिए ।

निःशुल्क ओ.पि.डी सेवा लिएका बिरामीहरुका लागि थप परीक्षण गर्नु परेमा र औषधीमा विशेष छुटको व्यवस्था गरेको अस्पतालले जनाएको छ ।