एसोटप-४० र एस्प्रो-४० लगायतका औषधि बिक्रि वितरणमा रोक

काठमाडौँ – औषधि व्यवस्था विभागले एसियन फार्मास्युटिकल्स र पानस फार्मास्युटिकल्स बाट उत्पादित एसोटप-४०, एस्प्रो-४० र लोरी-१ नामका औषधिहरू बजारबाट फिर्ता गर्न सूचना जारी गरेको छ ।

विभागबाट गरिएको बजार अनुगमनमा ती औषधिहरूमा न्यून गुणस्तर पाइएकोले बजारबाट फिर्ता गर्न भनिएको हो ।

फिर्ता गर्न लगाइएको औषधिहरूमा एसोटप-४० को ब्याच नं इओटी ८०३०, एस्प्रो ४० को टिइओ ०३७ र लोरी १ को एलआरटी ८०५४ ब्याच नं का औषधि फिर्ता गर्न भनिएको हो ।  त्यस्तै विभागले उक्त औषधिहरू प्रयोग नगर्न र नगराउन पनि अनुरोध गरेको छ ।
हेर्नोस् सूचना