महावै गाउँपालिकामा निःशुल्क स्वास्थ्य सेवा शिविर सञ्चालन

सुर्खेत – कालिकोट जिल्लाको महावै गाउँपालिकाले निःशुल्क घुम्ती स्वास्थ्य शिविर सञ्चालन गरेको छ । महावै गाउँपालिका–५ को आधारभूत स्वास्थ्य सेवा केन्द्रमा शिविर सञ्चालन गरिएको हो ।

दुर्गम गाउँ बस्तीका अपाङ्गता भएका व्यक्ति, ज्येष्ठ नागरिक, गर्भवती महिला तथा बालबालिकालगायतका दुई सय १५ जनाले स्वास्थ्य सेवा लिएको गाउँपालिका अध्यक्ष खेम बहादुर सिंहले बताए ।

भौगोलिक कठिनाइका कारण सहजै रूपमा अस्पतालमा आएर स्वास्थ्य परीक्षण गर्न सकिने अवस्था नभएकोले महावै गाउँपालिकाले गाउँमै स्वास्थ्य शिविरमार्फत सेवा दिन थालेको अध्यक्ष सिंहले जानकारी दिए ।