चिकित्सक, नर्स तथा स्वास्थ्यकर्मीको थप सेवासुविधाका लागि छुट्टै कार्यविधी बनाइने

काठमाडौं—स्वास्थ्य तथा जनसंख्या मन्त्रालयले चिकित्सक, नर्स तथा स्वास्थ्यकर्मीको थप सेवासुविधाका लागि छुट्टै कार्यविधी बनाउने भएको छ । स्वास्थ्य तथा जनसंख्यामन्त्री पदम गिरी मन्त्री बनेपछि मन्त्रालयले तयार पारेको कार्ययोजना चिकित्सक, नर्स तथा स्वास्थ्यकर्मीको सेवासुविधाका लागि छुट्टै कार्यविधी बनाउने उल्लेख छ ।

मन्त्रालयले तयार पारेको एकीकृत कार्ययोजनामा सो कार्यविधी बनाएर अर्थ मन्त्रालयमा पेश गर्ने र वि.सं. २०८० बैशाखबाट कार्यविधी लागु गर्ने उल्लेख छ ।

सरकारको न्यूनतम साझा कार्यक्रममा चिकित्सक, नर्सलाई सरकारी सेवामा आकर्षित गर्न विद्यमान सेवा सुविधा पुनरावलोकन गर्ने र साप्ताहिक ४० घण्टाभन्दा बढी अवधि सेवा गर्ने चिकित्सक तथा स्वास्थ्यकर्मीहरुलाई अतिरिक्त सुविधा प्रदान गर्ने विषयमा उल्लेख छ ।

सोही साझा कार्यक्रमलाई आधार बनाएर स्वास्थ्य तथा जनसंख्या मन्त्रालयले छुट्टै कार्यविधी तयार गर्नेछ ।