विषादी परीक्षण सम्बन्धि प्रस्ताव विषयगत समितिमा पठाउने मन्त्रिपरिषद्को निर्णय

काठमाडौं—सरकारले फलफूल, तरकारी र खाद्य वस्तुको विषादी परीक्षण सम्बन्धि प्रस्ताव मन्त्रिपरिषद्को विषगत समितिमा पठाउने निर्णय गरेको छ । बिहीबार विहान सिंहदरबारमा बसेको मन्त्रिपरिषद् बैंठकले उक्त प्रस्ताव छलफलका लागि विषयगत समितिमा पठाउने निर्णय गरेको हो ।

क्याबिनेटले विषयगत समितिमा छलफल सकेर यथाशीघ्र क्याबिनेटमा पेश गर्ने निर्णय गरेको प्रधानमन्त्री पुष्पकमल दाहालको सचिवालयले जनाएको छ ।

यसअघि उक्त प्रस्ताव सरकारले फिर्ता लिएपछि यसको तीब्र आलोचना भएको छ । भारतलगायतका देशहरुबाट आउने तरकारी तथा फलफूलमा विषादी परीक्षणको विषय पछिल्लो समयमा निकै बहसमा छ ।

तर, सरकारले अहिलेसम्म यसका लागि ठोस कानुन तर्जुमा गर्न नसक्दा सीमामा विषादी परीक्षण हुन सकेको छैन ।