अस्पतालको निर्माणाधीन भवनबाट लडेर एक मजदूर घाइते

जुम्ला– कर्णाली स्वास्थ्य विज्ञान प्रतिष्ठान शिक्षण अस्पताल जुम्लाको निर्माणाधीन तीन तले भवनबाट लडेर एक मजदुर घाइते भएका छन् । बर्दिया जिल्ला घर भएका ३५ वर्षीय मजदुर खुशीराम थारु घाइते भएका हुन् । घाइते थारुको उपचार भइरहेको प्रहरीले जनाएको छ ।

जिल्ला प्रहरी कार्यालय जुम्लाका प्रहरी निरीक्षक उमेश चन्दका अनुसार घाइते मजदुरको कर्णाली स्वास्थ्य विज्ञान प्रतिष्ठान शिक्षण अस्पतालमा उपचार भइरहेको छ । घाइते खुशीरामको हातको हड्डी एक स्थान र खुट्टाको हड्डी दुई स्थानमा फ्याक्चर भएको र शल्यक्रिया गर्नुपर्ने भएको छ ।

रसुवा कन्सट्रक्सन कम्पनीले ठेक्का लिएर निर्माण भईरहेको प्रतिष्ठानको भवनमा बिरामीको बीमा नभएर व्यक्तिगत उपचार गर्न अहिले भइरहेको घाइतेका सहकर्मी धनिराम थारुले जानकारी दिए । धनीरामका अनुसार अहिलेसम्म हामीले आफै उपचार गरिरहेका छन् ।

उपचारका लागि रसुवा कन्सट्रक्सनका ठेकेदारलाई जानकारी गरिएको छ । निर्माणाधीन भवनमा ३० देखि ३२ जना मजदुर काम गर्दै आएका छन् ।