बुद्धि बंगारा (अक्ल दाँत, तेस्रो मोलार) निकाल्ने सुरक्षित र सामान्य दन्त उपचार हो र यी दाँत निकाल्दा समग्र स्वास्थ्यमा कुनै हानी हुँदैन् ।
१. बुद्धि बंगारा चपाउनका लागि अनिवार्य हुँदैन्
अक्ल दाँत अन्तिम मोलार (तेस्रो मोलार) हुन्, जुन प्रायः १७—२५ वर्षको बीचमा उम्रन्छन् । मानिसमा पहिले नै चपाउनका लागि २८ वटा कार्यशील दाँत हुन्छन् । अक्ल दाँत निकाल्दा सामान्य चपाइ, बोलाइ वा पाँचन प्रक्रियामा असर पर्दैन् ।
ढुक्क पार्ने कुराः
यी दाँत नभएपनि मुख सामान्य रुपमा काम गर्छ ।
२. अक्ल दाँत निकाल्दा भविष्यमा दन्त समस्याबाट बच्न सकिन्छ 
धेरै अक्ल दाँत जबडामा पर्याप्त ठाउँ नभएकाले ठीकसँग उम्रन सक्दैनन् । यदि यी दाँतहरु रहिरहे भने सम्भावित समस्याहरुः
—दाँतमा किरा लाग्नु (टुथ डिके)
—गिँजामा संक्रमण (पेरिकोरोनाइटिस)
—छेउका दाँतमा क्षति
—सिष्ट वा हड्डीमा क्षति
ढुक्क पार्ने कुरा
यी दाँत निकाल्दा अन्य दाँत र गिजालाई सुरक्षा मिल्छ ।
३. यो प्रक्रिया सामान्य र धेरै गरिने उपचार हो
अक्ल दाँत निकाल्ने प्रक्रिया विश्वभर सबैभन्दा सामान्य मौखिक शल्यक्रियामध्ये एक हो । यो प्रशिक्षित दन्त चिकित्सक वा मौखिक चिकित्सकद्वारा गरिन्छ ।
—आधुनिक प्रविधी र सफा (स्टेराइल) प्रक्रियाले यसलाई सुरक्षित र विश्वसनीय बनाएको छ ।
ढुक्क पार्ने कुराः
हरेक वर्ष लाखौं बिरामीले यो प्रक्रिया सफलतापूर्वक गराउँछन् ।
४. आधुनिक एनेस्थेसियाले प्रक्रिया सहज बनाउँछ
स्थानीय एनेस्थेसियाले उक्त स्थानलाई सुन्न बनाउँछ, त्यसैले दाँत निकाल्दा बिरामीले दुखाइ महसुस गर्दैनन् । केही अवस्थामा सिडेसन वा सामान्य एनेस्थेसिया पनि प्रयोग गर्न सकिन्छ । प्रक्रियापछि हुने दुखाइ प्रायः हल्का र अस्थायी हुन्छ ।
ढुक्क पार्ने कुरा
उपचारको समयमा प्रक्रियामा नियन्त्रणमा र दुखाइरहित हुन्छ ।
५. निको हुने प्रक्रिया सामान्यतयाः छिटो र सुरक्षित हुन्छ
दाँत निकालिएको ठाउँमा रगतको थक्का बन्छ र उक्त थक्का प्राकृतिक रुपमा निको हुन्छ ।
धेरैजसो बिरामी ३—७ दिनभित्र सुधार हुन्छन् र केही हप्तामा पूर्ण रुपमा निको हुन्छन् ।
दन्त चिकित्सकहरुले राम्रोसँग निको हुनका लागि उपचारपछि पालना गर्नुपर्ने निर्देशन दिन्छन् ।
ढुक्क पार्ने कुराः
दाँत निकालिसकेपछि शरीरले प्राकृतिक रुपमा उक्त स्थानलाई निको बनाउँछ ।
बिरामीलाई ढुक्क पार्ने मुख्य सन्देश
अक्ल दाँत निकाल्दा समग्र स्वास्थ्यमा कुनै हानी हुँदैन किनभनेः
—यी दाँत मुखको सामान्य कार्यका लागि अनिवार्य हुँदैनन् ।
—दाँत निकाल्दा संक्रमण र अन्य दाँतमा हुने क्षतिबाट बच्न सकिन्छ ।
—यो प्रक्रिया सामान्य, सुरक्षित र एनेस्थेसियाको प्रयोग गरेर गरिन्छ ।
—सही हेरचाह गरेमा घाउ प्राकृतिक रुपमा निको हुन्छ ।
