दार्चुलामा सुत्केरी महिलाको हेलिकोप्टरमार्फत उद्दार

दार्चुला – दार्चुलामा एक सुत्केरी महिलाको हेलिकोप्टरमार्फत उद्दार गरिएको छ। जिल्लाको महाकाली नगरपालिका– १ की ३२ वर्षीया कौशीला धामीको नेपाली सेनाको हेलिकोप्टरमार्फत उद्दार गरिएको हो।

उनी गत शुक्रबार राती जिल्ला अस्पताल दार्चुलामा सुत्केरी भएकी थिइन। तर चिकित्सकले उनको नवजात शिशुलाई आइसियुमा राख्नुपर्ने बताएपछि उनलाई शनिबार हेलिकोप्टरमार्फत कोहलपुर अस्पताल नेपालगञ्ज लगिएको छ।

उनको राष्ट्रपति महिला उत्थान कार्यक्रम अन्तर्गत प्रमुख जिल्ला अधिकारी यदुनाथ पौडेलको पहलमा हवाई उद्दार गरिएको बताइएको छ।