सामाजिक विकासमन्त्री दल रावललाई कोरोना संक्रमण

जुम्ला—कर्णाली प्रदेशका सामाजिक विकासमन्त्री दल रावललाई कोरोना संक्रमण भएको छ । २६ पुसमा कर्णाली प्रदेश अस्पतालमा कोरोना परीक्षण गर्दा संक्रमण देखिएको अस्पतालले जनाएको छ ।

कोरोना संक्रमण देखिएका मन्त्री रावललाई उपचारका लागि काठमाडौं लगिएको सामाजिक विकास मन्त्रालयले जानकारी दिएको छ ।

चिकित्सकको सल्लाहअनुसार मन्त्री रावललाई उपचारका लागि सोमबारै काठमाडौं पठाइएको मन्त्रीका स्वकीय सचिव नन्दबहादुर रोकायाले जानकारी दिए ।