२०८० चैत्र १५, बिहीबार
Health Aawaj logo
गृहपृष्ठकर्णाली प्रदेशबाँकेमा कार र बस ठोक्किदा डा. सन्जु खड्काको निधन

बाँकेमा कार र बस ठोक्किदा डा. सन्जु खड्काको निधन


वीरेन्द्रनगर-बाँकेमा कार र बस ठोक्किदा दुई जनाको मृत्यु भएको छ ।पूर्वपश्चिम राजमार्गअन्तर्गत बाँकेको राप्ती सोनारी गाउँपालिका–८ मुगुवाखोला नजिकै पूर्वतर्फ जाँदै गरेको मे १ ख ३३३५ नम्बरको बस र पश्चिमतर्फ जाँदै गरेको बा १३ च ८२५३ नम्बरको कार आपसमा ठोक्किँदा कारमा सवार दुई जनाको मृत्यु भएको हो।

प्रहरी कार्यालय बाँकेका एसपी सन्तोषसिंह राठौरका अनुसार दुर्घटनामा सख्त घाइते भएका डा. सन्जु खड्का र कारका चालक सुवास अधिकारीको शिक्षण अस्पताल कोहलपुरमा उपचारका क्रममा मृत्यु भएको हो ।

मृतक डा. सन्जु उपप्रधानमन्त्री तथा रक्षामन्त्री पूर्णबहादुर खड्काकी भाइ बुहारी हुन् । सन्जुका पति डा. डम्बर खड्का कर्णाली प्रदेश अस्पतालका निर्देशक छन् ।
बसमा यात्रारत ६ यात्रु सामान्य घाइते रहेको राठौरको भनाइ छ ।

५३ वर्षीया डा.खड्काले रसियाबाट मेडिकल एजुकेशन अध्ययन गरेकी हुन् । केही समय मेडिकल प्रायाक्टिस गरेकी उनी पछिल्लो समय समाजसेवा र व्यवसायमा संलग्न थिइन् ।


क्याटेगोरी : कर्णाली प्रदेश



तपाईको प्रतिक्रिया दिनुहोस


ट्रेण्डिङ