वीरेन्द्रनगर—‘भरोसा होस नगर माथि, गाउँ घरमा स्वास्थकर्मी साथी’ भन्ने मुख्य नाराका साथ मेयर हेल्थकेयर कार्यक्रमअन्तर्गत रास्कोट नगरपालिकामा नियमित महिनाको एकपटक गर्ने मेयर हेल्थ केयर कार्यक्रम वडा नं. ६ मा सम्पन्न भएको छ । नगरपालिका भित्रका गर्भवती महिलाहरु, जेष्ठ नागरिकलगायतका अन्य बिरामीहरुको लागि सुगर, प्रेसर परीक्षणजस्ता सेवाहरु नगरपालिकाले घरदैलामै पुगेर निःशुल्क स्वास्थ्य सेवा प्रदान गरेको हो ।
रास्कोट नगरपालिकाले घर—घरमा एकीकृत सेवा दिने नीति तथा कार्यक्रमअनुसार वडा न ६ मा जेष्ठ नागरिक अपांगता भएका व्यक्ति, गर्भवती महिला तथा बालबालिकालगायतका जम्मा सेवाग्राही ३२ जना पुरुष र महिला ४८ जना गरी जम्मा ८० जनालाई निःशुल्क स्वास्थ्य सेवा प्रदान गरेको छ ।
त्यसमध्ये आयुर्वेद सेवा ४० जना, भिडियो एक्सरे सेवा १२ जना गर्भवती, क्षयरोगको ३ जनाले शिविरबाट सेवा लिएको रास्कोट नगर स्वास्थ्य शाखाले जनाएको छ । चालु आर्थिक वर्षमा नगरका ८७६ जना निःशुल्क उपचार तथा औषधि सेवा पाएको नगरपालिकाको तथ्यांक छ ।
