प्रधानमन्त्री ओली १० औं दिनमा अस्पतालबाट आज डिस्चार्ज हुँदैं

काठमाडौं—त्रिवि शिक्षण अस्पताल महाराजगन्जले शुक्रबार प्रधानमन्त्री केपी शर्मा ओलीलाई डिस्चार्ज गर्ने भएको छ । २१ फागुनमा प्रधानमन्त्रीको मिर्गौलाको दोस्रो पटक प्रत्यारोपण भएको थियो ।

ओलीको स्वास्थ्य अवस्था राम्रो देखिएपछि अस्पतालले आज डिस्चार्ज गर्न लागेको हो । अस्पतालका कार्यकारी निर्देशक प्रा.डा. कृष्ण खड्गाले प्रधानमन्त्रीको पूर्ण स्वास्थ्य लाभपछि आज डिस्चार्ज गर्न लागिएको जानकारी दिए ।

अस्पतालले साँझ ६ बजे प्रधानमन्त्रीलाई डिस्चार्ज दिनेछ ।