‘समायाेजन भएर अर्काे ठाँउ जानुपर्ने स्वास्थ्यका कर्मचारीलाई रमाना नदिनु’

काठमाडौं— स्वास्थ्य तथा जनसंख्या मन्त्रालयले समायोजन भएर रमाना नलिएका कर्मचारीलाई कार्यरत स्थलमै काम गर्न निर्देशन दिएको छ । उनीहरूकाे तलब भत्ता समेत त्यहीबाट उपलब्ध गर्ने निर्णय गरेकाे छ ।

विश्वव्यापी रुपमा ‘कोभिड १९’ को महामारीका कारण छिमेकी देश भारतमा तीव्र संक्रमण फैलिएको भन्दै समायोजन भई कार्यरत रहेका संघ, प्रदेश र स्थानिय तहका स्वास्थ्यकर्मीलाई समायोजन पदस्थापन भएको स्थानमा रमाना रोक्न समेत निर्देशन भएको छ ।

त्यसैगरी सातौ स्तरसम्मका कर्मचारीलाई कामकाजमा खटाउने जिम्मा स्वास्थ्य सेवा विभाग र औषधी व्यवस्था विभागलाई दिइएको छ ।