रेजिडेन्ट एसोसिएसन अफ न्याम्सका चिकित्सकले मोबाइलबाटै सेवा दिने

काठमाडौं-कोभिड-१९ को सम्भवित संक्रमणको जोखिमलाई रोक्न सरकारले लकडाउन गरेको छ । लकडाउनको अवस्थामा अस्पताल पुग्न र चिकित्सकहरुसँग परामर्श लिनका लागि असहज अवस्था सिर्जना भएको भन्दैं रेजिडेन्ट एसोसिएसन अफ न्याम्सले मोबाइलबाट परामर्श दिने व्यवस्था गरेको छ ।

१७ चैतमा सूचना जारी गर्दै रेजिडेन्ट एशोसिएसनले विभिन्न विद्याका २३ जना चिकित्सकका मोबाइल नम्बरहरु सार्वजनिक गरेको छ ।

ती चिकित्सकहरुलाई भाइबर, ह्वाट्सएप वा फोनमा सम्पर्क गरेर परामर्श सेवा लिन सकिने रेजिडेन्ट एशोसिएसन अफ न्याम्सका अध्यक्ष डा. प्रकाश भट्टराई र महासचिव डा. हेमराज शर्माद्धारा हस्ताक्षरित सूचनामा उल्लेख छ ।