रौतहटमा भारतबाट फर्किएका थप २ जनामा कोभिड—१९ पोजेटिभ

काठमाडौं—रौतहटमा थप दुई जनामा कोभिड—१९ पोजेटिभ देखिएको छ । राष्ट्रिय जनस्वास्थ्य प्रयोगशालामा टेकुमा थ्रोट स्वाब परीक्षण गर्दा रौतहट वृद्धावन नगरपालिका २४ वर्षीय र देवाही गोवाही नगरपालिका ३५ वर्षीय पुरुषमा कोभिड—१९ पोजेटिभ देखिएको हो ।

उनीहरु दुवै जना लकडाउनको बीचमा भारतबाट फर्किएका हुन् । दुवै जना अहिले स्थानीय क्वारेन्टाइनमा रहेका छन् । रौतहटमा यसअघि एकजनामा कोभिड—१९ पोजेटिभ पुष्टी भएको थियो ।

उनी नारायणी अस्पतालमा उपचारपछि निको भएर फर्किसकेका छन् । रौतहट जिल्ला प्रशासन कार्यलय स्रोतकाअनुसार दुवै संक्रमितलाई नारायणी अस्पताल लैजाने तयारी भैरहेको छ ।

यससँगै नेपालमा कोभिड—१९ संक्रमितको संख्या ५४ पुगेको छ । जसमध्ये १६ जना उपचारपछि निको भएर घर फर्किसकेका छन् ।